Mamba ngi Mangal wer ati Buy

Mamba kula’a viŋ, kula’a hudul waɗ put deŋ avra

Buyo agila sla gusoŋ madiɗa. Dar aɓi na da mburo ajile ti kita na, i vulaŋdi da naŋ. Mizli asoko, ajakaŋ ti kita ta, asoko ajakaŋ ti kita ta.

Ngwasa ada na naŋ ti hur. Mangal ngi kwacay naŋ aɓaŋ yi ruya maha. Mumuŋ abaŋ: «mangal ɗu ka a kwacaya aruŋ sina kiroya mbrike? »
Jo mangal tuwa abo peslrek tir tuwul ngi mumuŋ, aru ara luma buyo
aɓaŋ yi sole ya buy. Buyo aɓaŋ aru, go hin maakir ɓa ki naha sara dagay. Ago hin mufaɗa ,amawa. Buyo aɓaŋ yi ɓu tuwana go hin maker, vur mi ki go hin mufaɗ ka? Ambuɗandi aɓaŋ: «jiviɗe amburucu, i hirzligiɗa, amburucu ,i
hirzligiɗa, ya mbak na isa cohom ti dumaka?» Buyo aɓaŋ kasl ngi ɗike gisiŋ.
Na aru ki go hin zlum ɓa ki mawa. Aru ago hin merkeɗ, a mawa. Buyo aɓaŋ, i ɓu tuwa go hin zlum, vurmi ki go hin merkeɗ ka? Ambudandi aɓaŋ: «muzawa adik ,i gudahaŋ, adik ,i gudahaŋ, ɓa ya mbak na, isa sam yama amaka? » Buyo aɓaŋ kasl ngi ɗike gisiŋ, aru go hin tarna ɓa ki mawa.
Aru ago hin dangafaɗ, jo amawa. Buyo acufuɗaŋ, aɓaŋ ,vurmi ki go hin
dangafaɗ ka? Aɓa buyo: «bumbulvuŋ (muŋ) ambuzlawa, i jahaŋ, ambuzlawa, i jahaŋ na ɓa ya mbak na buy akiɗa ndra takwa?» Buyo aɓaŋ kasl ngi ɗike gisiŋ. Na ara sli giziŋ tukuzoŋ ar hirgasl ngi digana da pilisi. Aɓa buyo :giziŋ tukuzoŋ ada ti hin pasa kwa buy? Buyo aɓaŋ na ara mili duwa avi gusoŋ ngi diga na. Aru agun kwerkwer aciki sla, jo azil mi éee. Buyo aɓaŋ iwa maziluw ka ngama? Ambuɗa da buyo aɓaŋ: «aɓiki na bunuko ayile.» Buyo aɓaŋ, mbur mizile ayi kwa ngama?Aɓa buyo: «na ka mi ɓi ara mulo ɗuwa avi gusoŋ na ka buy? »Buyo aɓaŋ ki jile ti kita ngama, puska sla ɗike ardi. Jo aru ti sla naɲha. Mamba’a arule a wuzla ɓu.

Mamba’a arule a wuzla ɓu

Mamba ngi Guizigahay,
kaɓa taŋ ma kiɗaka a Mahaï/Midjivin
Envoyé par AMADOU Pierre